الكلمـــــة الحـــــرّة

الكلمـــــة الحـــــرّة

منتدى ثقافي عام
 
الرئيسيةالتسجيلدخول

شاطر | 
 

 قصيدة قوية جريئة لاحمد فؤاد نجم نؤيد سيادتك لفترة جديدة

اذهب الى الأسفل 
كاتب الموضوعرسالة
zayna
المشرف العام
avatar

عدد المساهمات : 582
نقاط : 10376
تاريخ التسجيل : 12/11/2009
العمر : 31
الموقع : في مكان في هذا الكون

مُساهمةموضوع: قصيدة قوية جريئة لاحمد فؤاد نجم نؤيد سيادتك لفترة جديدة   الخميس مارس 25, 2010 4:00 pm

السلام عليكم اعضاء منتدى الشعرالشعبي نقلت لكم هده الابيات لعلها تنال اعجابكم
لأحمد فؤاد نجم





نؤيد سيادتك لفترة جديدة


نكمل خلالها المسيرة السعيدة

و بالمرة فيها نبيع الحديدة

مفيش حاجة تانية نبيعها خلاص

نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده فى ايده الخلاص


نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

دي مصر بتاعتك و احنا ضيوفك

كفايا علينا يا ريس نشوفك

و عاذرين سيادتك و فاهمين ظروفك

عليك بس تؤمر و احنا نطيع

في جزمة سيادتك كلابك يبوسوا

و فوق الغلابة بجزمهم يدوسوا

و شعبك ليلاتي يا ريس غموسه

مذلة و مهانة و حوجة و مر

لكن يعني ما دمنا شعب انتساب

و دايما وأبدا فى حالة غياب

متعملش لينا يا ريس حساب

دي عزبة سيادتك و فيها أنت حر

و دستور ما دستورشى مش فارقة خالص

كلام فاضي كله يا فندم بناقص

كفايا علينا الفساد اللي ماصص

عرقنا و معشش و ضارب جذوره

و ايه يعني تهري جتتنا البلاوي

يوماتي كوارث، فضايح، رشاوي

كفايا علينا القعاد في القهاوي

بنستنى لما الوريث ييجي دوره
الرجوع الى أعلى الصفحة اذهب الى الأسفل
 
قصيدة قوية جريئة لاحمد فؤاد نجم نؤيد سيادتك لفترة جديدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الكلمـــــة الحـــــرّة :: منتدى الشعر الشعبي-
انتقل الى: