اجيتك مستحي وبالكوه ادك الباب
وعالخدين سالت دمعه مفضوحه
وصلت لباب دارك وعثرت بالباب
كد ماتعبتني الجيه والروحه
غريب وعندي صعبه اهوايه طبت الدار
وكبل جانت كبل بس الي مسموحه
بجيت وصحت باسمك من وره الحيطان
بكلب مكسور يشبه كسرت اللوحه
حبيبي بداعتي مر عالكلب خطار
وبسجين عينك مزق اجروحه
العالم تذبح الدمعه ابضريح ايمام
واني بحضرتك دمعاتي مذبوحه
اني ال جنت اجيك بضحكه من ابعيد
اجيت ابطرك دمعه وروحي
مجروحه
اجيت واعتذر واعتب عليك اهواي
واريد ارجع البيتي ذنوبي ممسوحه
من دونك بلا فرحه وكصيره الايد
واشوف الفرح يمي وايدي متلوحه
حبيبي ابعيني اشوفك جاهل ازغيرون
تمرجح واني كلبي ايصير مرجوحه
حبيبي امعاهدك واحلف يمين الله
اليخونك حبيبي ايقشمر ابروحه
موضوع: اجيتك(شعر شعبي عراقي) 
الأربعاء ديسمبر 02, 2009 10:00 pm
