???? زائر
| موضوع: خطبة مشرف السبت ديسمبر 19, 2009 5:25 am | |
| كان احد مشرفي أحد المنتديات مرتبط بموعد مع العروس وأهلها ليتقدم إليها ...
ولكنه لم يشأ إغلاق المنتدى لمدة ساعة ...
هى مدة اللقاء مع الأهل فأخذ اللابتوب معه من شان يتابع الردود على الأعضاء فى صفحة الشكاوى ..
وهو فى طريقة للمنزل راكبا التاكـسى ...
طبعاً كان بيستخدم خدمه الجيل الثالث ...
بمجرد وصوله إلى بيت العروس سأل عن أقرب فيش كهرباء..
لأن الشحن اوشكـ على الإنتهاء ..
والد العروس : أهلا يا ابنى كيفك ..
المشرف (وهو مشغول بلوحة مفاتيح اللابتوب) : أهلين فيك , أنا بشرفنى إنى أطلب إيد بنتك مها بتوافق ولا لأ؟!!!!
تبادل كلا من والد العروس ووالدتها وأخيها نظرات الدهشة ...
والد العروس ( مستغربا ) : حضرتك عم تحكي معي ولّا عم تحكي مع حدا على الإنترنت ..
المشرف (مازال منشغلا بلوحة المفاتيح) : لا يا عمى أنا عم احكي معك انت ... يعني معقولة أحكي مع غيرك وأنا قدام حضرتك!!!
والدة العروس : طب يا ابنى طالما عم تحكي معنا اتطلع علينا بس ..
المراقب (لم يرفع عينه ويديه من على جهازه) : ليش يا حجة , يعني انا بحكي بعيوني يعني!!!!
إقترب الولد الصغير(8 سنوات) من العريس مبهورا باللابتوب وهو يقول :::
الصبى : عمو هلق هاد الجهاز فيه ألعاب كتير متل الأتارى الى عندى؟!!
العريس (مازال منشغلا بجهازه) : أيوة يا حبيبى وأحلى من الى عندك كمان ..
الصبى : طيب ممكن ألعب شوية من شان خاطرى يا عمو ...
هنا فقط رفع العريس عينه من على جهازه لأول مرة ...
وتوقف عن الكتابة وهو يوشوش فى أذن الصبى ...
العريس : لو خليت أبوك يوافق عليي لح خليك تلعب كتيييييييييييييير ...
طار الصبى فرحا وهو يقول:::
بابا بابا أنا موافق إن عمو يتجوز أختى الكبيرة مها!!!!!!
ثم إلتفت إلى العريس وهو يقول :::
ألف مبروك يا عمو !
سلخ الوالد الولد طيارة وقال له صارخا : أمشى يا ولد ما بقي غيرك إنت يا أبو ريالة حتى توافق او ماتوافق ...
مشي الولد باكياً ولم يهتم به العريس وقد عاد إلى جهازه منشغلا ... فإقتربت الأم من الوالد وتكلمت هامســةً ..
الأم : بدي اسألك هلق هاد شو عم يعمل بهي العلبة يلي معو .. وكيف عم يحكي معنا وهو عم يفقس الزرار..
الوالد : والله ما بعرف .. يظهر والله أعلم إنه عم يكتب الكلام الى بيقوله النا ... فبيطلع من تمّه !!!!!!! . ماهو نحنا فى عصر التكنولوبيا!!! إنتى ما شفتى كيف كان ملهوف على أى فيش كهربا أول ما اجى لأن الشحن تبع الكلام تبعه كان لح يخلص!!!
الأم : عيش كتير بتشوف كتير !!!
دخلت العروسة فى هذه اللحظة خجلانة وهى تنظر إلى الأرض ... وبيدها أكواب العصير ولكنها لم تلاحظ فيش الكهرباء فإنقلبت على وجهها أرضا و............ إنفصل الفيش ..
العريس ( صارخا مع "بوجأة") :اييييييييييييييييييييييييييييييييييي ,,,,,,,,,,,,, لك شو عملتي ..........!! كيف فصلتي الجهاز!!؟؟؟
الأم ( بصوت خافت ) : شايف يا حاج .. بيقدر يحكي بدون كهربا..
الأب ( بصوت خافت ) : ماهو نشحن على الآخر فهمي بقا ..
الأم : الله يقطع الانترنت والى بيشتغل بالانترنت ! يا رب تجى عاصفة تسومانى عليه وعلى يلي فيه !
الأب : ممكن بقى يا ابنى تسكّر المضروب .. وخلينا نحكي كلمتين ..
العريس : خلص يا عمى , المشرف العام فات هلق..
إلتفت الجميع حولهم يبحثون عن ذلك المشرف العام ..
العريس ( ضاحكا ) : لأ يا جماعة .. أنا قصدي إن المشرف العام أخد مكانى بالمنتدى يعنى أنا هلق جاهز لأى إستفسار لمدة ربع ساعة ..
الأب: لا حول ولا قوة إلا بالله طيب يابنى طالما مو فاضى ليه حددت الموعد اليوم .. كنت حددته وقت ما تفضى ...
العريس : خلص يا جماعة أنا إسمى ............. وعمري .............. سنة معي شهادات كتيرة وشغلتى مشرف قسم كذا بمنتدا كذا كذا ... نظر الأب إلى المشرف وملابسه البسيطة غير المتناسقة وهو يقول :::
سيماهم في وجوههم !!!
العروسة ( مبتسمة ) : عن جد إنت مشرف بمنتدى هاد , هاد أنا مشتركة فيه من 5 شهور ..
العروسة مخاطبتاّ الاب بدلع : وافق يا بابا امانة .. أكيد لح يخلينى مميزة فى المنتدى ... مو هيك ؟؟؟.
العريس : طبعا ولح عينك معنا من المشرفين على قسم لحالك ..
العروسة ( بسعادة ) : عن جد لح تعيني مشرفة على قسم لحالي.....
العريس : طبعا لح اعطيكي أسهل وأحسن قسم فى المنتدى ..
العروسة ( فرحانة ) : هييييه لح تعطيني ايا قسم ......؟؟؟؟؟؟؟
العريس: الشكاوى!!!
العروسة ( صارخة ) : لا أمانة كلو إلا الشكاوى
هز العريس كتفيه وهو يقول ::
العريس : خلص بحكي مع المعلم المدير
بخليه يفتح قسم للوفيات يعينك مشرفة عليه ..
الأب: يا ترى خلصتوا ولا لسة ؟؟
نظر العريس فى ساعته وهو يقول: أنا فعلا وقتى قرب ينتهى لأن المشرف العام عندو موعد مهم .. ولازم أدخل مكانو ..
الأب: أنا مو موافق على هل الجوازة لحتى تترك المنتدى ..
العريس : خلص يا عمى على راحتك .. إذا كان منتدى هاد هو يلي مزعلك أنا ممكن اتركه ..
الأب ( فرحا ) : لو تركته أنا لح جوزك بنتى بدون أي كلام ... !!
شكره العريس ثم جاء إليه فى اليوم التالى ومعه نفس اللابتوب وهو يقول ::
العريس :أنا تركت المنتدى من مبارح .. وإشتركت بمنتدى تانى اسمه كذا .....
سقط الأب على الأرض ميتا وصرخت الأم وبكت العروسة وأخيها الصغير ...
بينما جلس العريس فى غرفة الصالون يتابع منتداه الجديد ! ! |
|
المديونير عضو
عدد المساهمات : 69 نقاط : 15964 تاريخ التسجيل : 24/11/2009
| موضوع: رد: خطبة مشرف الأحد ديسمبر 20, 2009 1:23 pm | |
| هههههههههههههههه والله ماتعرف خطيبتي انو انا عم بحكي على النت لطالع روحي مع الهوا بس عريس خيله غير شكل | |
|
???? زائر
| موضوع: رد: خطبة مشرف الإثنين ديسمبر 21, 2009 2:25 am | |
| ههههههه معناها اعطيني رئما لخطيبتك مشان تطالع روحك وتخلصنا هههههههه منور |
|
حكاية كل عاشق عضو نشيط
عدد المساهمات : 255 نقاط : 16201 تاريخ التسجيل : 19/11/2009 العمر : 44 الموقع : طنطا مصر
| موضوع: رد: خطبة مشرف الإثنين ديسمبر 21, 2009 11:38 am | |
| الله عليكى يا بسمه
دايما ترسمى البسمه
ربنا ما يحرمنا منك يا احلى بسمه
وتدوم عليكى وعلينا وعالجميع البسمه
دمتى بخير | |
|
???? زائر
| موضوع: رد: خطبة مشرف الثلاثاء ديسمبر 22, 2009 10:42 pm | |
| الله يخليك اخ علاء
انت الي عطيت للمنتدى بسمة مع تألق مميز دمت بخير ودمت منورني دوما تحيااااتي |
|
zayna المشرف العام
عدد المساهمات : 582 نقاط : 16766 تاريخ التسجيل : 12/11/2009 العمر : 37 الموقع : في مكان في هذا الكون
| |
???? زائر
| موضوع: رد: خطبة مشرف الأربعاء ديسمبر 23, 2009 12:13 am | |
| هلا زينة منووورة والله انتي الرووعة تسلميلي |
|